SAMJIN AMOOK Express (Closed)

講到韓國野，其中一樣最鍾意食既就係魚糕。韓國老字號魚糕【SAMJIN AMOOK】係K11 Musea開左第一間香港分店，之前係北角匯開既第二間分店食過，今次就同同事係K11 Musea果間試下。【SAMJIN AMOOK】既原材料來自韓國，係真正既韓國魚糕。今次叫左Family Set 1，3-4人套餐，付梨汁一罐。正方形魚糕湯：熱辣辣超香超出味既魚湯搭配，軟軟但唔會太霖既正方形魚糕，非常入味同暖胃！烤肉江米塊魚餅：迷你魚餅容易入口，比較有彈性。烤肉汁同魚餅好match。魷魚丸魚餅：三角形造型，味道會比傳統魚餅無禁重魚味，較軟身。蝦仁辣椒（紅）：蝦乾、紅椒、葱mix入魚餅入面，紅椒味會比較重，但就唔係好食得出蝦既味道。魚糕棒：外層加左一層類似麵包皮既炸層，好特別，甜甜地，比起其他魚糕魚餅比較淡，可以加佢地既辣鷄醬，別有一番風味！原味魚糕卷：同江米塊魚餅好相似，但少左烤肉汁，同埋形狀唔同。