春嬌越南河

Open Now

Now Closed

今晚老公話帶我食春嬌，原來係食越南野。餐廳環境唔算好大，周圍都可見越南帽 （斗笠）作點綴裝飾。餐廳採用QR code 手機落單，今次就叫左3個飯麵、燒春雞 share食。春嬌秘製燒春雞拼薯條 $98溫馨提示需時20分鐘 燒春雞用刀切開4份時熱辣辣，食落陣陣香草味，肉質都算滑。香葉肉碎炒飯 $68同平時食到味道有點不同，加了肉鬆、大量豆角增加口感，不過因唔太中意金不換嘅味就覺得氣味太濃。春嬌火車頭金邊粉$68可選河粉、金邊粉或檬粉，有牛肉片、牛丸特別之處仲有大大塊充滿骨膠原嘅花膠。香茅豬扒蔥油飯 $56豬扒醃得入味，白飯淋上甜豉油配香口蔥油幾開胃。香茅雞翼 $48/5隻調味跟豬扒調味相似，同樣入味。晚市只有單點餐牌，如果有晚市套餐就會更吸引。