見到門面似有野飲，就行埋去揀野飲
點知冇珍珠奶茶！
再睇多次個門面「日本茶」！
話時話，好似飲好多台灣茶都唔覺自己飲過日本茶，
除左去食日本菜比果杯我飲係「日本茶」之外
於是八卦吓有咩飲
乜都未睇中，職員就話新張期有free ugrade活動
於是係唔係都揀返杯先
話說…個menu明明隻隻都係中文字，
但我唔識揀！因為佢杯杯都寫「皇室貴族」
查實我乜茶都擺入口，唔係好get到「皇室貴族」到底係咩味？
反正，都未試過，就揀個「皇室貴族焙茶」
職員話啲茶葉係日本皇室貴族選用既，強調係靚茶葉
佢再問我要唔要加味道，咁我就揀個「黃豆粉」
諗住唔好飲齋茶咁寡…
不過佢話唔會寡，因為有「蕨餅」喺茶入面
「蕨餅？」睇到張相我認唔住話「呢個咪台灣淡水金記麻糬！」
然後我７左…
職員介紹呢個係「蕨餅」都係佢地招牌！
見有埋優惠價，照加$29試吓！
同埋我真係好掛住淡水個麻糬！
整體包裝係靚好精緻！
杯茶的確係香，同埋有陣唔識講既香味，
總之入口就好濃，同埋個黃豆粉好夾，成件事覺得健康左！
而杯入面D蕨餅都好好味！其實我冇諗過呢舊野可以擺入杯茶！
因為我覺得應該就咁食，但估唔到好好味！
同埋比起食台式飲料D珍珠健康好多！
而加錢換個蕨餅都好好味！黃豆味好重，食落都幾飽肚，凍冰冰啱夏天食！
感覺上，好似食呢個健康好多，冇食魚蛋燒賣咁大罪疚感
如果下次再行過，想試埋佢個皇室貴族綠茶+白桃味！
反正平時飲太多台灣茶，轉吓口味都唔錯！
1
1
