京都勝牛 (Tower 535) (Closed)

朋友話係日本食過好好食，所以黎之前都好期待😍😍🔸元祖炸牛排套餐🐮一上菜，店員貼心提醒牛排跟日本餐廳標準只係炸咗60秒，如果怕生得濟，可以再用鐵板自行再燒多一陣。我地夾起吉列牛望一望，覺得生熟度啱啱好。吉列牛食落外脆內軟，粉漿夠薄，牛肉好軟腍。附有招牌牛排醬、山椒鹽、咖哩醬同芥末醬油可以點黎食，個人覺得點招牌牛排醬最好食，甜甜地咁！套餐附有麥飯、椰菜沙律及味噌湯，如果唔夠食可以任添😛🔸東京風里脊豬排鍋膳套餐試左炸牛排，另一份就試下豬啦。一上碟就覺得好大份😆炸豬排肉質好嫩，連同滑蛋、洋蔥一齊食，有啲汁，又唔會乾，好好食！🔸藍柑荔枝味有汽特飲🍸杯飲品好靚，藍色的好夢幻，飲落係荔枝味，有荔枝粒粒咬下。🔸白桃蒟蒻冰茶🍹冰茶相對普通，茶味都夠，唔會太甜，有粒粒蒟蒻增加口感。