Wingman (船街) (Closed)

今日同朋友嚟到灣仔呢間專食雞翼嘅Wingman, 一試不同口味嘅雞翼。巴馬臣芝士蒜蓉味 $69/6隻雞翼燒得非常乾脆，灑上厚厚一層巴馬臣芝士，味道十分濃厚，咬開香脆雞皮，雞肉肉汁馬上溢出，緊接著係嫩滑嘅雞肉，口感不錯。黑芝麻海鮮蜂蜜$69/6隻海鮮醬味道突出，加上黑芝麻香味，滋味無窮。炸蓮藕片$35蓮藕片薄到透光，香脆無比，調味唔會過重，我同朋友都一片接著一片食唔停口。黑蒜麻油香炒毛豆$45毛豆熱辣辣，粒粒充滿麻油香氣。香甜薯條$55番薯炸成嘅薯條，外脆內軟香甜可口。