星馬茶室 (旺角中心) (Closed)

想去新加波馬拉食好西，唔洗特登去馬來西亞，近近地係旺角中心地庫的星馬茶室就得啦。今日第一次來呢度醫肚，估唔到呢度既星馬野食咁正宗又好食抵食哦。這裡有好多套餐，也有正宗甜品，我們同行二人點了海南雞飯拼喇沙，馬拉藥材肉骨茶配香米飯（豬肋排），娘惹巴東牛肋條，馬來盞通菜，鮮油加央多士（蛋黃味），真係好豐富。海南雞飯同肉骨茶絕對係必點，首先趁熱喝這個肉骨茶，真係做得好入味好到位，配埋油炸鬼泡住吃，好似去左新加坡食一樣。而海南雞套餐就更加沒得頂，油香米飯已經唔話得，雞夠嫩滑又沒有骨，除左飯，仲有大大碗喇沙，味道正宗，食到停唔到口。而巴東牛肋條亦係正宗不二之選，牛肋條夠入味燜得嫩，送飯也是不錯的。馬來盞通菜也炒得超夠火候，味道一流，對於超鍾意食通菜既我來講，真係啱曬啊。如果大家都係平民地去一轉馬拉，就記得來星馬茶室試下啦。