Video
Read full review
2017-03-22
1525 views
心心Baby 由柴灣陪我去荃灣食飯，真係似足陳奕迅嗰首歌當荃灣遇上柴灣？呢排大家都好忙碌，特別係趕緊deadline嘅季節，食餐好嘅都係要嘅，唔通真係喺屋企食面咩！Floris巧克力手工啤酒＄68 一支我不勝酒力，所以都係兩個人分享一支手工啤酒，原來第二支有半價優惠。朱古力味其實唔會好濃郁所以完全唔奇怪，味道清清地甜甜地。因為酒精濃度得4.x所以其實唔算太高。另外啲果酒都好啱女仔飲，因為比較清，飲完不會醉。黑松露燒汁牛肉野菌意粉＄88如果講牛肉，係西餐廳來講都算好一般，因為鬆肉粉比較多，唔講以為去咗茶餐廳⋯不過意粉同埋燒汁配搭唔錯，每一條意粉都沾有清香嘅黑松露。特別係啲嘢菌都好有彈性水份十足。慢烤德國鹹豬手＄188 重頭戲鹹豬手，製作時間要半粒鐘，如果真係唔想等嘅話唔建議叫，或者唔知可唔可以打個電話去落咗單先呢？如果唔係太肚餓又唔趕時間嘅話就冇問題啦。想睇下原本鹹豬手嘅樣，所以就叫佢上嚟俾我哋影吓相先，真係好大份，之後就到師傅幫手切，食客工序都慳返。旁邊有酸菜，味道普普通通。不過講真個豬手真係整得幾好食，鹹香十足，而且外皮夠香脆，有少少焦香。另外旁邊嘅醬汁都有夠特色，包括蘋果蓉、蜜糖芥
Floris巧克力手工啤酒＄68 一支我不勝酒力，所以都係兩個人分享一支手工啤酒，原來第二支有半價優惠。
朱古力味其實唔會好濃郁所以完全唔奇怪，味道清清地甜甜地。因為酒精濃度得4.x所以其實唔算太高。另外啲果酒都好啱女仔飲，因為比較清，飲完不會醉。
黑松露燒汁牛肉野菌意粉＄88如果講牛肉，係西餐廳來講都算好一般，因為鬆肉粉比較多，唔講以為去咗茶餐廳⋯不過意粉同埋燒汁配搭唔錯，每一條意粉都沾有清香嘅黑松露。特別係啲嘢菌都好有彈性水份十足。
慢烤德國鹹豬手＄188 重頭戲鹹豬手，製作時間要半粒鐘，如果真係唔想等嘅話唔建議叫，或者唔知可唔可以打個電話去落咗單先呢？如果唔係太肚餓又唔趕時間嘅話就冇問題啦。
想睇下原本鹹豬手嘅樣，所以就叫佢上嚟俾我哋影吓相先，真係好大份，之後就到師傅幫手切，食客工序都慳返。
旁邊有酸菜，味道普普通通。不過講真個豬手真係整得幾好食，鹹香十足，而且外皮夠香脆，有少少焦香。
另外旁邊嘅醬汁都有夠特色，包括蘋果蓉、蜜糖芥茉，也有茄汁可以點薯條。薯條又真係幾香脆。
Post
