Olive ERA (Closed)

約了一位朋友應該差不多半年冇見，朋友住在黃大仙，佢就介紹我去崇山的一間西餐廳「Olive Era」食午餐。餐牌上食物選擇非常多，多到眼花撩亂，都唔知點揀好，朋友就推介，餐廳就出色的「 香煎蟹餅配刁草 末醬」，及是日午餐「 意式芝士大啡菇扒漢堡配薯條」及「 安格斯肉眼配雜菜薯條」。先講套餐可選餐湯或前菜，是日餐湯是西蘭花忌廉湯，前菜叫了田園沙律。兩個味道都算ok, 不過不失啦！意式芝士大啡菇漢堡配薯條，份量十足， 大啡菇好juicy，芝士夠香，薯條乾身厚肉，炸得好香口，夠晒熱，十分滿意。至於安格斯肉眼扒，大大塊牛扒，7成熟，剛好鎖住肉汁，肉質嫩滑。香煎蟹餅配刁草末醬，熱辣辣，脆卜卜，內裡嘅蟹肉超多，入口已是滿口蟹肉，不得了。甜品點了芝麻芝士餅，很不錯有芝麻香。飲品真心推介熱鮮果茶，生果十分新鮮，而且百香果令成杯飲品提升鮮味，值得一試。