佳牛美酒 (Closed)

最近太忙，一定要unwinding一下，揾朋友介紹，佢訂咗星期五晚【佳牛美酒】， 餐廳個名幾文雅。星期五晚上到去，見兩個包廂都已有客人，我地3個人被安排坐Bar枱角坐，實在係好安排，方便吹水飲酒。呢度有專櫃俾女士放手袋，非常細心。先嚟杯比利時手工啤酒， 啤一啤入正題，原來朋友已預早叫餐廳開咗支酒breathe，真係好週到。如果唔開酒，叫house wine嘅話，啲housewine一樣保存得好好， 因為呢度有個設備保存已開瓶嘅紅酒呀，好彩嘅話，如果老闆喺度，佢會同你介紹下佢嘅紅酒珍藏， 呢兩支鎮店之寶我就飲唔起，嘻嘻……食物方面，特別之處係，呢度好似鐵板燒咁樣，不過係用BBQ嘅燒法燒， 專人燒畀你食。靚嘅食物我就唔講咁多嘞，睇相啦， 有日本A5和牛同澳洲M9和牛。個牛脷係dry-aged咗14日👍燒和牛加溫泉蛋飯總括嚟講，decent food，reasonable price，high quality service，的確係unwinding嘅一晚。