ME.N.U (Closed)

今日睇畫劇之前，去左呢度食晚飯。最開心既係有人請我食飯，咁我就要左小龍蝦墨魚汁石頭鍋飯飯配龍蝦汁。飲品就飲可可奶茶。石頭鍋飯：一送到俾我，仲係好滾。龍蝦汁既泡泡仲係度滾，一食落口真係好正呀。個汁又唔會太鹹，真係好夾個飯。而且好多粒小龍蝦，絕對唔會俾幾隻咁敷衍你，同埋個份量比意粉360大，絕不欺場。最正既係個底好多飯焦，呢D先係正野。可可奶茶：即係用朱古力粉整左杯凍朱古力之後加奶茶，雖然我都飲到奶茶既味。但我覺得都係朱古力味重左小小。下次試下第二D特飲。整體而言，今餐真係唔錯。最好既係呢度環境好輕鬆，個感覺好舒服。一定有下次。