8鍋臭臭鍋 (金巴利道) (Closed)

伙記,你哋呢度D鍋又話最出名既??  係阿!臭架喎!出名臭阿麻!以上對話當然只係出自電影對白啦,大家都知好既餐廳應該要擺出色香味既食物出黎比客人啦,但今時今日真係有以臭黎做主題既餐廳,今日就帶埋小胖女同友人一齊去呢間以臭來命名既餐廳,黎到既時候都好多人等緊位,仲已經聞到有陣特別既味道,等左大約20分鐘就可以入坐啦入到去味道更加強烈,每個人都好比心機咁食緊面前既鍋,事不宜遲,我地都開始點菜,本來真係諗住挑戰呢個招牌臭臭鍋,但由於味道實在太刺激,所以叫左三個其他味道既鍋黎食,芝士牛奶鍋,沙茶牛肉鍋同藥膳羊肉鍋首先係小弟個鍋沙茶牛肉,有放米血糕呢樣野,我相信佢都係臭味來源之一配料勁多,牛肉份量夠哂三個人分,當然一人獨食亦都係大滿足,之後係小胖女點既芝士牛奶鍋,主打係豚肉,滑蛋同芝士,有小小新派韓+日火鍋感覺,配料大致上差不多,最後係膳羊肉鍋,好香既羊膻呢鍋就主要食清淡為主,栗米,豆腐,枝竹等等,非常岩輕食朋友,每鍋都會包一碗飯//粉絲,同飲品一杯,呢個價錢係尖沙咀黎講絕對超值下次小弟冒必會試返招牌臭臭鍋