『九龍篇-油尖旺區』
由於前幾次食得太多大排檔既關係，所以今次朋友既聚會就揀左食日本野。咁難得成班朋友去完澳洲一個月之後，番黎可以聚會當然搵間有小小出體面既日本餐廳食下。題外話，最近我地都係用一個APP去搵下有咩折扣Offer既餐廳可以食到高汁食物。
我地用APP一Search就見到一休既排名幾高，當然就試試佢係堅定流啦。我地一行六人就各自到達餐廳。原來一休就係花園餐廳果棟，果然夠哂方便，連個內部排位都有D似花園餐廳，門面都唔錯，睇個裝修同埋D裝飾都感受到店主既心機同埋誠意。一坐低當然就係點野食啦，由於我地都班餓底都餓左好耐，所以就叫左好多好多野食，分別有: 海鮮盛合拼盤、鹽燒鯖魚、鹽燒厚切牛舌、生赤貝刺身、鱆紅魚薄切、原條海鰻壽司、珍寶帶子壽司、三文魚籽軍艦、蟹膏壽司、九州池魚壽司、芝士吉列蠔卷、火焰三色卷香草、燒雞翼及蟹籽海膽炒飯。
先講一講食物既質素先，其實日本野黎講普遍好唔好野既分野真係可以好大，食過高汁魚生既話啦其實好易就會分得出。我唔特別去講一休既每一道菜式壽司，因為無咩特別好講，只可以話係普通既質素。選擇黎講係算多，但係敗不之處可能就係選擇多，熱食又中規中距，壽司刺身只可以話係普通無特別。只冀望佢可以集中係一個範疇去重點發展，而展示出佢既餐廳特式，而不至於普通日本料理，無令人可以記得之處。
總括而言，普通日本料理無咩特式。
各位鍊金術士有興趣都可以試下，歡迎PM 交流下。
識食‧你都會係食の鍊金術士
