何止 (Closed)

星期六又心思思去掃下街先，不過今日轉戰荃灣區。約埋朋友放工去到，發現原來開咗吾少新嘅外賣店。門外空地超多人等候外賣，認真熱鬧。光潔雪白嘅招牌非常搶眼。呢間「何止」除咗有傳統港式小食燒賣、魚蛋、腸粉之外，亦有生菜鯪魚肉。居然仲有炸乳鴿同大阪燒。認真估佢唔到，有咁多種類嘅小食。《蟹籽千島章魚大限燒》（$50）難得小食店有大阪燒，真係「何止」小食咁簡單. 咁無理由吾試吓嘅。大限燒面鋪上大量木魚片和蟹籽。並加有不少章魚粒同椰菜絲煎香，加上千島汁及大阪燒汁，足料好味。建議要盡快趁熱食用，味道更佳。其實本來最想食碗仔翅，不過可惜已經售罄，可能真係十分正所以咁受歡迎。於是點了《生菜鯪魚肉》（$27），份量多到成碗爆滿，勁多生菜同鯪魚肉。本人喜歡加蔴油、胡椒粉味道更佳，最後連湯都飲埋。《椒鹽炸餃子》（$25/5隻），餃子皮一啲都吾會太厚，而且炸到十分香脆，韮菜豬肉餡新鲜。真係皮薄餡料飽滿，香口惹味。