壽喜鍋湯底濃郁香甜，帶有醬油同味醂嘅經典關東風味，牛肉份量頗多，切得薄身，質地柔嫩，入口即化。鍋物配料豐富，有娃娃菜、金菇、豆腐、冬菇同芋絲等，吸盡湯底精華。烏冬彈牙有咬口，掛湯力強，浸一浸壽喜燒湯汁後更加入味。整體味道平衡，唔會過鹹，秋冬食完暖笠笠！
自選魚生丼（三文魚、油甘魚、三文魚籽、玉子、甜蝦）
魚生丼自由度超高 我揀哂自己鐘意既刺身😋
仲要係估唔到咁新鮮🔥
三文魚—厚切大塊，油脂分布均勻，入口即溶
油甘魚—超級厚切，食得出好新鮮，肉質細膩，油香甘甜帶微爽！
三文魚籽—鹹香爆漿，我最愛😋😋😋撈飯食一流
甜蝦—肉質軟嫩，鮮味十足
玉子—香甜鬆軟，增加口感層次。整體刺身新鮮無雪味，份量足，性價比高！
火炙鹽燒三文魚腩壽司
最鐘意炙燒過既魚，三文魚腩經火炙後，魚油香氣入口大爆發，表面微焦，內裡保持嫩滑。鹽燒調味簡單，帶出魚肉本身嘅鮮甜，唔使點醬已經好惹味😋融合
鮮丼家藏身何文田舊區，店面細小但充滿日式小店風情。食物質素穩定，刺身新鮮厚切，壽喜鍋湯底濃郁，價錢親民（晚市$60起有交易）。員工態度親切，環境乾淨，不過座位較少，建議早啲去避開人潮。適合一兩個人輕鬆食飯或外賣，係區內高CP值極高日本料理之選！
