唔好以為何文田食飯一定會好貴，其實去到呢間富臨皇宮，1蚊1隻嘅木桶豉油雞，唔單止係優惠，而且味道仲要幾好，雞皮非常之滑，雞肉又夠入味，而且份量仲要夠大隻可以同人share。
接著嘅金裝拼盤同埋叉燒王一樣好好食，有脆卜卜嘅燒腩仔、肉嫩入味嘅鴨胸肉、炸豆腐，而叉燒王用上半肥瘦豬肉，帶有豬肉嘅爽勁口感，加上惹味嘅醬汁，令人無得抗拒。
果皮蒸鮑魚，用止果皮加秘製豉油，味道固然吸引，而鮑魚肉質鮮甜味美，中意食海鮮嘅要必點。
食中菜，當然唔少得食小菜，波羅咕嚕肉看肉簡單，但要做到酸甜味適中，醬汁濃淡適中確實唔容易。而且骨肉比例適中，開胃之餘仲可以送飯品嚐。
