千盛 (Closed)

呢間位於何文田嘅家庭式日式料理，有小時候食日本料理嘅風味。裝修以簡單木系為主，貼滿日式布畫圖案，好似小居酒屋咁。晚市價錢親民。▶️千盛藤彩牛豐盛井$98呢個係和牛粒粒丼，有好多和牛小粒粒及粟米🌽，有芝麻、蔥花調味，飯量好多🍚飯配蒸蛋。▶️咖喱🍛吉列拼盤定食$68吉列拼盤有兩隻炸蝦🍤、兩件炸芝士、一件炸蠔。面上淋上咖喱汁。▶️A5和牛$68/串和牛油脂夠重，和牛肥美，滿口油脂香。叫咗兩串～▶️蒜蓉扇貝$24/隻扇貝大大隻，蒜蓉味超濃郁，香氣滿滿。▶️厚切牛舌$28/串牛舌厚身，有七味粉調味。▶️明太子雞翼$48/一客3隻雞翼漲卜卜，明太子唔會辣。