珍滿粥 (Closed)

話說上星期出發去旅行，預早左出門口，諗住係機場慢慢食個早餐先上飛機。由於太早仲未有胃口食野嘅關係，我地行左一陣，覺得未來幾日都無機會食中菜，決定出發前食個中式早餐，見到『珍滿足』就去望下～餐牌都算吸引，係機場黎講價錢一般啦，每個餐大約40蚊左右～我地叫左兩份餐：1，豬紅粥配滑腸粉2，皮蛋粥配炒米粉其實食物賣相都正常，不過，係無香味嘅😂兩碗粥質地較綿，但豬紅、皮蛋份量都好少，而且唔知點解，啲粥係完全無味，無米味、無皮蛋味、無咸味、無甜味⋯⋯愈食愈迷惘🙈唔係好知自己食緊乜⋯⋯腸粉同米粉叫做勉強合格，不過其實都係食醬料味，整體而言所有食物味道都偏淡，淡到近乎無味，應該都唔會再食⋯⋯