餐廳空間真係好寬敞，枱與枱之間有足夠距離，唔會覺得逼。裝修光猛整潔，大量卡座位舒適。🥰
最吸睛當然係個超大型海鮮池，入面放滿各式生猛海鮮，客人可以自己動手撈，之後店員幫手洗淨，體驗感十足！餐廳提供手機掃碼落單同自助區形式取餐，整體安排暢順。👍
🦞即撈即煮海鮮體驗
呢度最大賣點絕對係「即撈即煮」！海鮮池就像小型水族館，裡面有：
新鮮鮑魚：肉質鮮嫩，口感彈牙，鮮味十足
生猛蟹( 花蟹、藍蟹、三點蟹、白蟹)：蟹肉鮮甜飽滿
活力海蝦（包括大頭蝦、九節蝦、 基圍蝦）：隻隻都跳跳紮，蝦肉結實彈牙
蜆: 厚皮蜆、美國蜆、沙白、花甲，肥美多汁又鮮甜
🍲豐富火鍋配料與湯底
除咗海鮮，火鍋配料選擇都非常多：
肉類：高質澳洲M5和牛（雪花均勻，入口即溶）、美國牛肩胛片（軟嫩有嚼勁）、鮮豚肉、雞肉等。
其他配料：丸類、豆腐、菇菌、蔬菜等都可以在自助區任拎。
湯底選擇花多眼亂，這次試了金湯花膠雞鍋，覺得好滋補，好啱女仔補身。其他選擇還有秘製麻辣鍋、蕃茄豬骨鍋、龍蝦頭鍋、清甜椰子雞鍋、人蔘雞鍋、蟹皇海鮮鍋等，還可以自由搭配雙拼鍋。
🔥必食推薦熟食與小食
呢度嘅熟食絕對係驚喜位！用手機落單，encore咗好幾輪：
金銀蒜粉絲蒸蟶子王：蒜香十足，蟶子鮮甜彈牙，粉絲吸盡精華，必點！
鐵板鵝肝多士：鵝肝甘香豐腴，外脆內軟，一咬落去油香四溢。
皇牌燒乳鴿王：燒到皮脆肉嫩，肉汁豐富，係必食之選。
原粒榴槤：榴槤控絕對不能錯過！味道濃郁香甜。
自助區還有避風塘炒蝦、麻辣小龍蝦、燒腩仔及幾款中式點心。
🍧甜品及飲品
甜品選擇豐富，絕對能滿足第二個胃：
日本版Häagen-Dazs雪糕：有多款口味任你食，為大餐畫上完美句號。
原個木瓜雪耳燉糖水：超級推薦，清潤滋補。
其他還有許多不同款式的精美甜品，賣相精緻。
飲品方面也非常豐富，有紙包飲品、罐裝飲品、多款冷泡茶。喜歡飲酒的朋友還有清酒、白酒、燒酒任你揀，連生啤都有得飲。
今次呢間「千海水產海鮮火鍋放題」係旺角分店，係最新同最大嘅一間，環境比荃灣同九龍灣嘅分店更加寬敞。 旺角分店仲多咗金銀蒜粉絲蒸蟶子王，自助撈海鮮區亦多了九肚魚同白鱔。地點位於旺角MOKO新世紀廣場超級方便。👍
1
1
1
2
1
3
3
