一坐底個伙計就問師傅食咩好, 師傅當然要時間諗下, 於是冇理到佢; 左睇右睇最後比師傅望到呢個午市快餐, 好似幾正咁喎, 於是就柯打左沙爹牛肉飯同埋一杯熱檸檬茶!
熱檸檬茶率先登場, 檸檬份量又夠, 茶底夠濃, 味道好好, 唔錯; 再等一陣沙爹牛肉飯又殺到喇, 起初師傅都以為攪錯, 皆因淨係得一碗沙爹牛肉, 師傅起初仲以為係沙爹牛肉麵, 因為係一碗, 原來係碗沙爹牛肉, 白飯一碟另上; 沙爹牛肉嘅牛肉夠鬆身, 份量唔少, 而沙爹汁都幾香, 送飯一流, 唔差!
總括黎講食物質素可以, 環境就一般, 服務都係普普通通, 價錢都可以接受, 廿八蚊一碟飯, 都算抵食啦; 師傅真係估唔到白飯同餸係分開上, 絕對誠意可加; 第三次黎到佑民街, 感覺都依然可以, 而呢間食店師傅相信一定有機會再黎, 笑臉就暫時比唔到住, 希望下次可以再試真d啦!
