Hot Pot 熱‧海鮮火鍋私房菜 (Closed)

最近我去咗「熱鍋火鍋私房菜」，嘗試咗佢哋嘅熱鍋二人海鮮火鍋套餐，真係好正😊首先，餐廳提供咗多種湯底選擇，我哋最後揀咗香濃沙嗲豬骨鍋🐷湯底熬得非常入味，沙嗲既香氣撲鼻而來，味道濃郁又唔會過於油膩，仲要好足料，大大件豬骨，正👍🏽火鍋配料方面，二人份量餐係足夠既，🐮手切安格斯牛小排質量一流，肉質鮮嫩，切得厚薄適中，而且有油香味，係高質既😋炸魚皮就係脆！😋😋仲有手打墨魚丸，彈牙得來非常鮮味🦑🦑水餃一咬落去好多肉汁，令人驚喜！紅薯粉就正正常常😏湯底正佢就正😋😋雜菜拼盤都幾多樣野，蔬菜新鮮🥗另外，我哋仲試咗兩款小食，七味脆皮豆腐同椒鹽魷魚鬚🦑七味脆皮豆腐外脆內嫩，味道惹味，真係一口接一口。而椒鹽魷魚鬚則非常香脆，仲有少少微辣🌶️食落去真係好開胃😉😉至於飲品，超級推介沙冰系列！！超級大杯🤩🤩我哋選咗沙冰芒果味同埋益力多味。沙冰芒果味濃，比較甜！而益力多味則帶有淡淡嘅酸甜，令人感覺清爽，絕對係完美搭配。整體而言，「熱鍋火鍋私房菜」嘅火鍋套餐真係味道一流，服務態度亦非常好。下次一定會再來試其他湯底！另外想提一提既係呢度竟然有得邊打邊爐邊唱K！！見到有人book房唱K，真係一個好地方！🥳。