新合成燒臘飯店

Open Now

Now Closed

對於耐吾時都會返屋企食飯既我，又突然好想食肉，加餸斬料又點小得燒味上星期去完圓方經開佐敦既新合成燒臘飯店 就買返半斤燒肉同肥叉試下佢先。燒肉手起刀落即叫即斬，原本想要沙梨篤但我去到已經賣哂，好彩仲有腩位就專登叫師傅斬D有肥肉既比我，足秤之餘 D皮耐左都好脆，我好怕食D好咸既燒肉，呢檔食落口味就岩哂我心水。至於招牌既蜜汁叉燒，肥同瘦比例適中，見佢斬緊個陣肉汁都好足，吾會太干，瘦既部位吾會韌，好好𡁻口小小偏甜蜜汁上得夠。整體都好滿意，最緊要屋企人食得開心，下次一定會試埋佢個燒鴨同燒雞，衛生環境都企理，堂食又得外賣又得。值得一讚既係鋪頭有做善事福飯，由熱心街坊捐獻，仲有賣其他燻蹄，紅腸等等既。