中蝦生果沙律
新鮮中蝦同芒果、火龍果、哈蜜瓜既搭配好特別，蝦肉彈牙，水果份量好多，鮮甜多汁，配埋酸甜芒果醬，清爽開胃。
加拿大翡翠螺
螺肉肥厚爽彈，蘸點wasabi醬油，更顯鮮味。
椒鹽鮮魷
炸衣薄脆，魷魚彈牙，椒鹽香口，放涼都唔會腍！
黃金奶油瀨尿蝦
開邊瀨尿蝦外層裹滿金黃奶酥，蝦肉肉質緊實；鹹蛋黃同奶油炒成流沙質地，奶香同鹹香更襯托出蝦肉鮮甜，連蝦殼都吮到唔停口！
白酒煮蜆意粉
意粉al dente口感剛好，白酒醬汁收得濃稠適中，蜆肉鋪滿整鍋意粉，蜆肉飽滿無沙，份量十足，絕對係誠意之作。
籠仔蒸白菜
看似平凡卻暗藏玄機。白菜吸飽了蒜蓉既精華，蒸得恰到好處，菜葉依然翠綠。
龍蝦湯
濃郁鮮甜，蝦膏香濃，仲有唔少切碎既龍蝦肉，增加口感。
雖無米其林既擺盤，但每道菜都是得出老師傅對火候既執著。呢個價位是到咁多海鮮CP唔錯👍！
5
