今日嚟到佐敦一試呢間西餐，估唔到好高質素，餐廳老闆係兩位有經驗嘅廚師，好俾心機去研究新嘅菜式，務求令到客人可以食到有質素嘅fusion菜，而老闆同我哋講啊，9:30後仲會變成酒吧，可以比三五知己把酒談心添啊！
咁到而家就介紹吓嘢食啦
慢煮黑椒牛肋條配香煎上海年糕 $158
呢個牛肉由廚師精製烹調，煮得好腍 ，仲配上年糕，估唔到呢個配搭咁特別但出奇地好食.
麻香海鮮扁意粉 $128
呢個麻香都好正，麻香配意粉 出奇地 冇維和感，不過就有少少辣啦.
鮮奶咖啡 $38
飲落去好creamy,鮮奶同咖啡嘅份量配搭得好好，飲完都唔怕瞓唔着
話梅菠蘿醬配窩夫及雪糕 $78
至於甜品，一樣咁有心思，話梅菠蘿醬係兩位廚師親手調劑，非常有心機呀，呢個醬配合埋即焗嘅窩夫真係好配搭啊！
