前菜叫左挪威煙三文魚沙律配牛油果 ($118)，三文魚捲成花花賣相好靚，沙律菜新鮮爽脆，牛油果熟度口啱啱好，口感順滑。
小食黑松露薯條配特調黑松露蛋黃醬 ($68)大大碟炸得乾爽唔會油，配埋黑松露蛋黃醬食好惹味。
店長推介麻香海鮮扁意粉 ($128)，話青醬係自家調配，食落唔辣但有輕輕麻香好特別。意粉煮得彈牙，每條都包裹滿醬汁好香濃，面頭放左D松子仁口感更好。
見倒餐牌有COCKTAIL當然要叫番杯試下，Caribbean Pirate ($108) 有Vodka、Cream De Cassis、菠蘿汁同紅莓，飲落果味突出，酒精度唔算高。用骷髏頭杯裝打卡一流。
特色咖啡成個渡假Feel都翻返嚟 ($48)用椰青水結合咖啡，飲落好refreshing真係有d渡假感覺。面頭奶蓋用椰子奶打成，唔鍾意飲牛奶嘅朋友都可以飲下。
餐廳服務都好唔錯，加上裝修同座位都好舒服，好適合朋友或者情侶嚟飲杯酒，食個飯，談談心。下次經過會再嚟試下其他菜式。
