睇得出裝修設計有花心思,坐得幾舒服, 又乾淨企理。因為地方唔算好大,如果繁忙時間最好都係預約左先。
食物選擇好多,好多唔同牛嘅部位,好啱鍾意食牛嘅人。另外仲有好多小食同串燒可以點。
1
朋友唔食辣,湯底點左牛骨湯,用牛骨熬湯,入面仲有冬瓜片、杞子粒同紅棗,清清地都唔錯。
醬料都好齊, 芫茜、蔥、辣椒、沙茶醬、麻醬、醋都有齊晒。
封門柳
我地點左封門柳,淥8秒就可以撈起食得,有牛味,肉質鮮嫩,好食。
秘制滑牛肉 & 蒜香滑牛肉
吃落真係好嫩滑,又有牛味,幾好食,有驚喜,所以吃完一份之後再點多一份蒜香滑牛肉, 相比下,我同朋友都覺得秘制滑牛肉好食D。
沙白蜆
蜆都幾大隻, 洗得好乾淨,鮮甜無沙,份量都夠。
桂花蚌
桂花蚌分量都幾多,仲要大大片。
水魷鬚
條條鬚都好大,食落好滿足。
手打鮮蝦滑
用新鮮蝦肉打成滑,食到真材實料,口感彈牙。
炸饅頭
炸饅頭加煉奶無得輸,仲要係切片,唔係原個饅頭,好有誠意,炸到金黃,無油益味。
