Pom's Diner (Changed Hand)

今日去佐敦買野,經過呢條街,揀左呢間幾特別既餐廳。異國風情既裝修,連枱面都用了特別異國風情既小瓦磚,再者餐具都非常特別,匙羹同叉都係曲形的。與同行朋友分別叫左2個lunch set,朧俐柳飯,墨西哥卷餐,是日餐湯係羅宋湯。朧俐柳飯蕃茄味好重,十足十原汁原味黎自外國咁,朧俐柳有4塊左右,仲要好大塊。而個意大利蕃茄汁酸度岩岩好,好夠味。小食,芝士焗蟹肉大磨菇,大磨菇裡釀了蟹肉,食落去口感好豐富,有好多蟹肉,加上磨菇又大又juicy,食落好有層次感。而且有沙律菜作配菜,食落好豐富。配菜亦不馬虎。再者,水牛雞柳條,用上既醬汁非常特別,好開胃,微微辣酸酸地,似肉醬汁,但開胃好多。而雞條炸過,更有口感。雞條起碼有7條,當小食,開胃菜一流。而甜品有雪糕蛋糕,非常有酒店水準,雪糕蛋糕有三層口味,拖肥,咖啡,焦糖。咖啡味仲要好濃郁,而且雪糕軟硬度剛剛好,不會雪得太硬,值得推薦。