南洋 (Closed)

叫咗海鮮喇沙，大大碗，而且賣相已經好靚！喇沙味好香，配料有好多有雞蛋、蝦、魷魚、豆卜等等，味道好正。我覺得好食過好多連鎖店嘅喇沙。喇沙味道香得來唔會好辣，又唔會太過多椰汁，好食。另外叫咗海南雞飯，雞都幾滑，而且飯有油香味。我哋另外加咗一個肉骨茶，肉骨茶夠足料，而且好香夠濃味。小食叫咗串燒。一客有三串，豬、牛、雞任選味道，覺得個沙嗲醬唔錯，串燒味道都OK。餐廳食物質素唔錯，而且價錢相當實惠，值得去。