蝦蝦燒

Open Now

Now Closed

其實第二次食蝦蝦燒🦐🦐🦐 上次同家人食完一次之後就念念不忘，今次metime，可以同朋友大吃一番了😋遲來的生日飯，同樣食得開心。入坐啦～今日四位安排左個大爐比我地，食兩個半鐘，時間關係，一入坐有位哥哥就準備好蝦蝦燒左十隻左右比我地，另多每位送多一串燒鱔🤭，如果有得追加就好了，超肥美有過上次經驗，今次黎當然係主打海鮮，幸好有兩位對煮食有要求的朋友，今次可以雙手解放，淨係食就可以了。😏😏朋友們都覺得海鮮種類足夠，有蠔，螺，扇貝，帶子同蜆等，值得一提佢地既魚都係原條，今晚就有馬友，深海泥鯭，倉魚同大眼雞咁，除左即時夾上黎彈彈下既虾，其他海鮮都新鮮有油分，鹽燒真係堅好食👍🏻肉類方面，正常燒烤店有既都有啦，雞翼，叉燒，台灣腸，今次特別推介小見d既 豬大腸 燒完仲脆卜卜 好嘢味最後當然係用雪糕作總結，佢都算有幾多選擇，特別d有奶茶，豆腐，蜜瓜味既雪糕，每人都食兩杯先捨得走呀～今次又係一個完美的夜晚，期待再有下次都可以保持水準，夾下蝦，食下玩下又一晚。總括 如果想一班人唔太大油煙食下燒烤 呢道都係幾好選擇❤️