Marco's Oyster Bar & Grill (彩鴻酒店)

今晚和友人打算提早慶祝聖誕，見到好多朋友都有打卡呢間餐廳，值得黎朝聖。上到去已經覺得間餐廳超級chill 而且都有幾台外國人飲住紅酒聚餐中。最最最興奮嘅一定係有駐場結他歌手氣氛爆棚。點完餐後，牛肝菌忌廉餐湯、餐包、煙三文魚沙律已經逐一上，湯嘅溫度暖暖不會過熱，超級容易入口，而且味道濃郁，配上暖笠笠軟綿綿嘅餐包，簡直覺得這個聖誕不太冷，瞬間溫暖左我嘅心。沙律配煙三文魚，份量都好足，岩曬淨係鍾意食沙律菜嘅我。主菜方面揀左 美國西冷牛扒和脆炸德國鹹豬手，西冷扒有我手掌咁大塊，5成熟 配上台餘溫，剛好！ 見到肉汁滿滿而且咬上口滑溜鮮嫩。鹹豬手餐廳職員好細心，知道我地係share 食，問埋我地洗唔洗切開，上檯嘅時候已經見到切件，方便我地夾黎食，豬手炸得香脆，配合酸甜醬汁，口感中和，又可以食到多國菜，真係大滿足！一定一定要加嘅甜品，真係唔少得心太軟，同埋義大利芝士餅！ 心太軟切開流出朱古力醬汁，真係好治癒，而且食上口入口即溶，暖軟糯糯好滿足，義大利芝士餅味道濃郁，係經典正宗嘅味道。