漁正居酒屋 (Closed)

今日朋友帶我黎食呢間係佐敦既居酒屋，因為見到經Openrice訂座有7折優惠，好似幾抵。入座後見到，飲品，無論係有冇酒精都做緊1+1既優惠! 呢到食物款式好多，包羅萬有。芥辣八爪魚好重wasabi味，辣辣地好開胃。朋友鐘意生蠔，見呢到有，一定要試下。生蠔肥美又新鮮，冇腥味。刺身拼盤 (拖羅 /赤身 /油甘魚 /八爪魚/ 帆立貝/三文魚/ 蝦/ 帆立貝/ 左口魚)好豐富既剌身! 每款都好厚切，食落好新鮮。個人最鐘意係拖羅，脂肪分佈好似雪花咁，有天然魚油脂既甘香，入口即溶。帆立貝肉身厚實，味道鮮甜。之後就係串燒炸物類。露荀豚肉卷 – 好juicy，豬肉唔會有羶味。雞皮串 – 超香脆，一咬爆雞油好正。田樂豆腐 – 呢個好推介，醬汁好食帶少少煙熏香，配落豆腐好夾。味噌燒蠔 – 充滿濃郁既味噌醬汁 ，平時好少食蠔既我都覺得好食! 最後仲叫左個沃川黑醬油拉面，黑醬油香口濃郁，咸中帶微甜，再配上肥瘦均勻的既叉燒，完美作結!