牛極 (庇利金街) (Closed)

今日約係佐敦同朋友食lunch，由佢帶路嚟咗呢間石燒牛，話性價比甚高，牛肉質素好。餐廳裝修精緻有時代感，有幾十個座位。食物主打石燒牛 有牛肩排、肉眼、西冷、牛柳等各個部位，包自助沙律、餐湯和飯 無限添食！ 這裏採用自助售賣機點餐 ，先付款後送餐，非常方便!牛肩排牛肉味較濃，筋肉連成，脂肪較少有口感 ，肉質爽口有嚼勁。 廚房會先烹煮一成熟上碟，然後自行在石板烤至喜愛熟度！調料有岩鹽、黑胡椒和香草可自由加添。牛柳脂肪較少肉質，鬆化軟熟，鮮甜嫩滑，點上特製柚子豉油和芝麻醬汁，提升鮮味！沙律菜新鮮爽口、麵豉湯真材實料，熱辣辣冬天飲咗成個人暖笠笠。還有白飯無限添食，確實性價比甚高！