Thai Fuhn

Open Now

Now Closed

今日朋友帶我嚟逸東酒店food hall食飯。見到呢間鋪有泰式又有越南嘢食，我哋就叫咗個泰式二人套餐嚟試一試。主菜方面我哋揀咗佢嘅船粉，跟餐仲有個泰式炒通菜同埋小食拼盤。小食拼盤有蝦餅、春卷、雞翼同埋豬肉串。佢個豬肉串燒得好香，蝦餅啖啖肉，春卷同埋香茅雞翼都炸得好脆。泰式炒通菜都炒得好惹味，可惜我唔係好食得辣，食咗兩條就俾晒朋友。泰式船面相當足料，面頭鋪滿豬紅豆卜豬肉丸牛肉豬潤同埋豆芽。全部食材都好新鮮，豆芽仲要大大條，食落爽口彈牙。船面下低仲有大量河粉，兩個男人食都絕對夠飽。泰式奶茶既練奶香甜同泰國當地飲到既十分之似，值得推介。