今次我同同事兩個去食，好彩同事醒目一早訂左位，坐左一陣就已經全場滿座。四國午餐嘅選擇有好多，無論係淨係食熟食嘅同事，定係淨係食刺身嘅我，都花多眼亂，心大心細。最後我揀左特盛什錦魚生飯（$108），同事就食夏日便丼（花）（$90）。
1
前菜有中華沙律，味道正常。麵豉湯都係正常水準。可惜唔記得影個沙律，沙律嘅份量同味道都係唔錯嘅！
至於個夏日便丼，鐘意胡麻醬加蕃茄嘅話真係不可錯過，有一大個蕃茄滿足你，淨係賣相都爆哂分。嗰日個便丼係跟牛肉薄燒，食肉獸就未必滿意三小塊嘅份量啦！雖然我無親口食，但我都訪問左同事架，同事覺得整體味道都好好！
到我嘅摯愛刺身飯，見到個賣相就垂涎欲滴
飯嘅份量剛剛好，帶有醋香。刺身種類都好啱我口味，不過食落鮮味就唔太突出啦，以呢個價錢黎講就唔算好抵啦。
總括而言，四國嘅價錢喺同區而言較高，刺身味道未算十分突出，不過同事對熟食嘅評價甚高，而且勝在有好多選擇，值得再去試下佢其他嘢食
