Hot Pot 熱‧海鮮火鍋私房菜 (Closed)

約左火鍋之友去佐敦嘅Hot Pot 熱‧海鮮火鍋私房菜，本來一心想打邊爐，點知原來有私房菜食！menu都幾多小炒可選擇，仲有吸引我嘅蔥油文昌雞！坐位濶落，仲有卡啦Ok房，好適合一大班人黎！🐔蔥油文昌雞 238/半隻賣相極吸引嘅蔥油文昌雞，半隻望落都好大碟！滿滿香蔥下有白白嘅雞肉，雞肉肉質鮮嫩，肥瘦均勻，雞皮爽口彈牙，味道同生熟都適中，配埋好似座山多嘅香蔥一齊食更入味！🍢脆炸豆腐 ：炸到無敵甘香嘅豆腐，外皮鬆脆，內裡軟嫩！無得彈！🐟金銀蒜炒菜苗 $28 ：菜苗炒完都仲好翠綠，食落爽脆口感，蒜香唔會油膩！🍜鮑汁金菇海參忟伊面 $188我最鐘意食伊面，呢個伊面忟得唔油偏軟身！香濃嘅鮑汁配埋超Q彈嘅海參同埋爽口嘅芽菜一齊食口感豐富！份量十分多！Hot Pot 熱‧海鮮火鍋私房菜地址📍： 佐敦佐敦道23號新寶廣場5樓