疫情底下一人一鍋就最衛生啦！而且獨食都完全無問題！
現場就見到唔少自己一個打邊爐 一個人食都唔會尷尬👍
仲有12款湯底任君選擇 1set已經包左飯/粉絲+飲品 ($115)
大食既朋友仔仲可以追加小食或火鍋配料
呢到係採用QR code 落單架 方便又快捷👏
.
🎈台式麻辣鍋 (套餐$115+茉香奶茶$7+珍珠$5)
本來套餐已經包左一杯綠茶/紅茶 但都有唔少飲品可以加錢轉~
可以自己額外加orea碎或珍珠等飲品配料
言歸正傳講返火鍋😋一上火鍋就聞到好香既麻辣味
鍋底味道算係偏淡 可以用調味料自己調節返😋
一個鍋裏面就已經有肉同各款丸類 就咁食一鍋都非常夠飽！
.
🎈台式沙茶牛肉鍋 (套餐$115+黑糖奶茶$7+珍珠$5)
同樣地都係非常足料 湯底有淡淡沙茶醬味道
唔夠味就可以加少少另上既沙茶醬😋
男孩子食一個鍋都非常滿足！
.
🎈現炸老油條 ($22)
吃火鍋又點少得索汁既火鍋配料😍😍😍
講到索汁又點少得香港人最愛既油炸鬼😋
炸到香脆再浸返淋 大家一齊做隻開心既肥仔🤰
.
🎈夜市雞皮捲 ($36)
呢個都推薦大家一試🧐🧐🧐
味道幾特別 用左雞皮包住雞肉 雖然雞肉本來就係應該有雞皮😂
但呢個做法令到每一口雞肉都可以食到雞皮
同樣地炸到好香脆 識食雞當然要連皮食啦😎
.
🎈總括而言
一人一鍋夠足料 好適合乜都想食既貪心鬼🤣
呢個鍋每樣有d 可以過下口癮
小編就私心推介雞皮捲 係極邪惡之選啊~
