潤潤麵 (Closed)

今天天氣涼涼地，一於行遠D去試試雜誌介紹的豬膶麵。這小店約有廿八個座位，而餐牌只有一張紙。麵食由$35-$40不等，另設小食由$15-$25等。平民價錢定位。豬膶鮮牛水晶粉（番茄湯）$39這湯底茄味十足，有鮮蕃茄同洋蔥，味道酸酸地有D薯仔味，細味之下，仲有少少薑的辛味，十足住家風味。而豬膶有三片，可惜煮得有點老，所以囗感比較鞋有點粉；鮮牛肉切得比較零碎，無乜調味，有少少韌。而水晶粉都幾特別，有點像米通粉，口感滑啫啫，吃罷沒有飽滯的感覺。豬頸肉粉$40（清湯）豬頸肉有數片，切得薄薄的，入口唔韌。除了豬頸肉外，仲有少少肉碎，米粉份量唔少。奶茶$+5奶茶是港式風味，茶味十足，用上黑白淡奶，入口順喉滑溜。可能期望大，吃完有點失望。豬膶麵還是維記做得好D。