順德私房菜 (Closed)

平時出去食野成日食西餐同其他國家嘅菜🍕🍣🍝,好少食中菜，但近排實在太熱氣啦！所以都係搵d中式私房菜食🍚🍚，清淡啲~冬瓜煮肉蟹🦀見到有呢款覺得好清，冬瓜清熱氣，而且又有我中意食嘅蟹，所以即時order！花蟹嘅肉唔係好多，但係好鮮！同冬瓜一齊煮好清新~甜梅菜籠仔蒸菜心🥗菜心好新鮮，青青綠綠，好清甜~加埋d梅菜吊味，甜甜地~菓皮蒸南非孔雀鲍鱼鮑魚洗得幾乾淨，咬落質感好好，彈牙，而且有d果皮一齊蒸，果皮嘅味道入埋去，夠曬味~欖角骨🐷揀咗一款可以送飯食嘅菜，欖角骨鹹鹹地有埋欖味，好入味，好香口，送飯好正！有碟佢已經可以送到兩碗飯！