BnR (Closed)

平時食麻辣、酸菜米線就食得多，養生湯底嘅米線同養生麵今次就係第一次嚟荃灣試。今晚叫咗：1）胡椒豬肚釀魷魚筒米線$76胡椒豬肚湯唔會辣到你接受唔到，好溫和嘅，亦都有淡淡嘅豬肚湯味，而唔會搶咗魷魚筒嘅鮮味，仲有啲好健康嘅配菜，例如係黑木耳、芫荽。最特別嘅地方就係我第一次食米線會有條油炸鬼做配菜。2）手工韭菜餃米線 $56聽到手工韭菜餃個名，就知道呢度啲餃係自家製啦。粒粒韭菜餃都好飽滿，啖啖肉，韭菜同肉嘅比例各佔一半，非常好湯底我揀咗魚湯，係俾胡椒豬肚湯嗰個清淡少少，但係勝在韭菜餃屬濃味，所以整體嚟講碗米線都好食。3） 炸墨魚卷 $42 （有四條）呢四條炸墨魚卷炸到金黃色，好明顯睇到啲油係新鮮嘅油炸出嚟嘅，一啲都唔會過火，腐皮脆卜卜，點埋配嘅泰式辣醬，非常好味。4） 炸雲吞 $42 （有四隻）呢個炸雲吞夠晒特別，唔係平時麵譜食嗰啲一隻隻包好再攞去炸果種，而係成塊雲吞皮搽滿蝦膠、墨魚膠滑，然後攞去炸，成塊四方形咁上碟，外型好特別，食落都係超級脆口，呢個超級推介。呢度嘅服務員態度好好，亦都好貼心，知道我哋啲嘢食係開心share嘅，就會自動攞多對筷子俾我哋做公筷。