焗魚腸
本人係魚腸愛好者，一見到只係$88就即刻叫！
新鮮滾熱辣焗好，好多薑絲，完全唔腥仲好香口！
椒鹽鱔球
每件鱔球都好厚肉又有鱔油香，啖啖肉好滿足！
平時食鱔都係蒸為主，今次椒鹽好惹味，好似去咗大排檔咁！
蠔餅
潮州菜必食嘅蠔餅，呢間分店嘅蠔餅係炸嘅，蠔又大粒，都係好似去咗大排檔咁，好有風味！
拔絲咕嚕肉
平時喺其他分店都有食開呢個餸，呢度嘅咕嚕肉份量好足，炸粉好薄，配埋個咕嚕汁，可以食幾碗飯！
鹵水鵝片
識食一定係食招牌鵝片，啖啖肉，好有鵝香！
食到最後一定要叫佢哋師傅即叫即煮嘅潮式糖水做結尾，叫咗一個綠豆爽清心丸，一個薑薯綠豆爽，好大碗，熱辣辣又清甜，唔會太膩，係一個好好嘅結尾！
好滿足啊今餐！
