川流 (Closed)

因去灣仔開會，只有45分鐘午飯，推門見仍有位，即刻坐底。一看餐牌便明白點解仍有空位，最平的點心要$68起，茶亦每位$25起。川流的裝修以黑色為主，有點潮。既是新派四川上海菜館，就算是同名的點心，期望做法不完全一樣。它有午餐，$168一位，有湯丶小龍包丶前菜丶主菜及飯，可惜我們得45分鐘便要去到客人的寫字樓，有點趕。我們決定食點心及麵。第一個點心是金粟蟹肉春卷（$68），擺盤專業。因剛炸起，一陣陣香味傳來。春卷皮很薄，剛炸起，脆卜卜。蟹肉鮮甜，份量亦多，加埋粟米，出奇地夾及好味。👍🏻👍🏻👍🏻雞汁窩貼（$68）擺枱同樣美麗，皮亦薄，底煎得香脆。餡算ok，有豬肉香。只可惜餡料不多，不及上次在金鐘翡翠拉麵的窩貼，又香又多肉。😋小龍包上枱很有特色，它還有兩枝用實驗室膠管裝著醋，食時要將管口插入小龍包內把醋放入。味道方面，十分普通，皮雖然薄，但太少餡，加咗醋，食唔到豐膩的肉餡，可惜可惜！👎🏻👎🏻👎🏻素菜煨麵（$68）樣子吸引，有小棠菜丶紅蘿蔔及粟米粒，麵亦煮得夠腍。但份量少，看圖便知湯甚多。🙁🙁整體而言，質量不及價錢高，低CP值。