品川日本料理 (Closed)

今日收左工同朋友去荃灣食野，黎左海之戀商場既品川料理食放題。環境方面，餐廳卡位望到海，對住個海景食放題，正。而且餐廳好大夠寬敞，食飯坐得舒服都好重要。食物方面，有bar枱提供小食，飲品同甜品。值得一提係呢度竟然有提供焦糖可樂同咖啡朱古力可樂，大讚! 雖然係任點任食，不過食物質素唔會差。刺身同壽司好新鮮，三文魚係厚切，唔會薄戚戚，大啖咬感。熟食方面都幾有心，全部上枱既熱食都係熱辣辣! 推介大家食牛柳粒，好重牛肉味，唔會太鞋口。住左荃灣甘耐，終於搵到又抵食又好味既日式放題!