古今二 (荃灣千色匯I) (Closed)

放工啦，又喺二人同行，出荃灣食食，呢間係千色匯分店我好耐之前有食過，印象中佢哋嘅沙律都好唔錯，價錢唔算貴，主打特色口味嘅卷物。柚想蝦你 $98大大碗沙律🥗，爽脆新鮮，入口仲要係凍凍地，超鍾意食，材料好豐富有車厘茄、蘋果、柚子、蟹子、牛油果、甜蝦、生菜、柚子汁，沙律係呢度必食之一。櫻花蝦茄子燒 $68係原條茄子🍆，即叫即燒，上枱嘅時候好香櫻花蝦味，燒汁甜甜地，好match，同中式既蒜蓉辣椒孜然味道好唔同，值得一試。超級龍捲風 $88非常足料嘅飯捲，入面有鰻魚，炸蝦，芝士，青瓜，Size大大嚿，炸蝦🍤脆卜卜，唔油膩，好滿足。富士山 $88上面係用咗啲蟹柳沙律堆成富士山🗻，以下面係鰻魚牛油果🥑飯卷，再加咗少少薯片，增加脆脆口感。