頂好原味道1990 (中海日升中心) (Closed)

呢間餐廳係台灣老字號人氣品牌，雖然外表面唔算非常特別，但係食物就非常有驚喜，低調而有實力嘅台灣風格，而且性價比非常高。鋪頭用嘅鹵水汁、辣椒油都係台灣空運直送過嚟，難怪之前喺上環開嗰間已經咁有人氣。據聞佢哋仲會喺將軍澳開新店即係將會有一共三間分店喺香港，十分之期待。🌟晚市二人套餐 $148二人套餐包左兩款主食，一款小食，一個拼盤同埋一份菜。份量亦非常足，小食拼盤勁多豆腐，同埋魚豆腐。煮食方面叫咗一個肉燥飯同埋一個肉燥關廟麵，肉燥同其他餐廳有啲唔同，整體來講比較乾身亦都偏向甜，係我個人比較鍾意嘅肉燥，用嚟送飯同埋送麵都好好食。小食仲有手工香腸拼鹽酥雞，香腸係台灣嘅夜市味道，真係好令人思鄉，鹽酥雞都炸到好乾身，味道唔會太咸，岩岩好！🌟滷蛋肉燥雞髀飯 $45朋友另外再叫咗一個單點嘅飯，雞髀滷得好入味，而且份量充足，如果自己一個黎食都夠晒飽肚。🌟珍珠奶茶珍珠偏甜都幾啱我口味，加埋少甜嘅奶茶，味道啱啱好。