頭盤首先係柑橘醃嘅hamachi搭刁草油，食落好清新開胃。另一個係凍食天使麵配昆布、松露同魚子醬，味道層次好豐富。最後一個係最正係燒牛脷，配薯仔、椰菜花同煙燻芥末醬，好惹味！
頭盤由淺入深，慢慢由開胃到濃味
之後係酥皮盒裝住藍龍蝦同小牛胸腺！特登search咗呢個內臟係咩嚟！因為食落有啲白子feel! 又同個龍蝦好夾，好似海陸風味融合，賣相同味道都好精緻！
主菜係佢哋嘅名物烤黃雞，配日本越光米，半隻份量啱晒兩個人分享。食到呢度其實已經好飽，但呢個雞飯真係幾飽都要食！淋少少雞汁更加係將個味道昇華咗！
最後既自家製甜品為呢餐高級盛宴畫上甜美句號。
整體菜式有心思，將高級食材玩出不同配搭，好值得推介！
1
