Nunu燒 (Moved) New Location

一支公去蘭桂芳做乜？當然係去食飯啦！唔通去飲酒識女仔咩？今日A姐又要開OT，所以我就去咗中環蘭桂芳食日本嘢：Nunu燒。Nunu燒係日式小店，好有日本Feel架！蒲燒鰻魚飯原條鰻魚被切成六份，架上鰻魚汁，分成三串去燒。鰻魚夠晒厚，亦唔覺有骨刺，味道唔錯，不過就無炭燒或焦香味。但就欣賞可以票自行淋上鰻魚汁，好似我咁，就鍾情大量鰻魚汁撈飯。一口炸雞炸到金黃色嘅一口炸雞，皮脆鬆化，炸雞熱辣辣又肥美嫩滑，好juicy架！而Nunu燒嘅最大賣點係有三款飲品免費任飲：柚子茶、玄米茶、生薑茶。我最鍾意柚子茶，微甜加上柚子清香，清甜滋潤，十分解渴。