咖喱鄉里 (Closed)

有個低能仔，原來之前抽中了 OR 的零零狗戲飛，但信就一直放在枱頭沒有拆，前幾日才發現，好在不是落了畫才發現已經算是好運了。有得上的戲院已經不多了，近近地在 APM 看。本來想吃元氣，已經醒目拎定飛仔才去逛街，但逛完都未有位……而其他地方都好多人，但已經好肚餓啦，就在 food court 吃好了。好好彩在 food court 不是等了很久就有位，於是就去看看有什麼好吃的。咖喱鄉里一直都是哥哥仔在各大 food court 的至愛，今日見到有個未試過的瑪哈漢堡套餐，好似幾吸引喎! 而近來時刻慳妹上身的我見價錢都好吸引，只需 $28 還包飲品，就決定幫哥哥仔慳住荷包，食這個餐做晚餐啦!漢堡可選羊肉、雞肉或素菜，我就選了羊肉，包裡面好足料，除了羊肉外，還有青瓜和青豆，辣辣地又幾惹味，還有點不夠喉呢。不過一路咬一路跌，食得好輪盡好狼狽。而鮮橙色的薯條一睇都幾嚇親人，但原來是即整的，熱辣辣，好脆好好味啊! 而還送一個茄汁一個芥末汁點薯條，我覺得好味過 m 記薯條好多呀!$28 的一餐，好好味又夠特色，下次可以翻炒個雞肉味啊!