一休(居食屋)日本料理 (38廣場)

Open Now

Now Closed

搭lift上一樓就直接嚟到間餐廳，都算大，環境乾淨，服務都幾好，冇限制食幾耐，可以慢慢享受。我地四個人，叫咗三個主食一個小食。蒲燒鰻魚飯 （$88）呢個係最好食既，可能本身中意食鰻魚飯，佢既飯係珍珠飯，醬汁比較咸，但加埋啲飯一齊食就岩岩好。真係極力推！抵食鮮茄濃湯海鮮鍋（$65）加烏冬（$12）都幾豐富，有三文魚、冬菇、扇貝、金菇等等⋯⋯但就咁叫一定唔夠飽，加埋烏冬一齊食勁正！黑蒜油蝦拉麵（$68）麵底有啲似公仔麵，不過係好食啲既，個人覺得比唔上出面專食拉麵既湯底，但算幾好，湯底麵濃，有5隻蝦，咁既價錢收貨！仲嗌咗黑松露薯條（$38），普普通通啦都係4個人每人唔洗$80！好推薦！！！