白鬍子炸魚薯條 (Closed)

今日同朋友去尖沙咀行街，心血來潮想去坐渡海小輪，吹下海風，去到中環碼頭見到呢間專賣炸魚薯條的英式小店，我地就係到食番個下午茶先繼續行。我地兩個人叫咗三款食物，全部都係即叫即炸，等咗一陣就有得食。平時食薯條多數會點茄汁，今次就有啲唔同，呢度有8款特式醬料提供，可按個人口味揀兩款，我地揀咗芥末醬同大蒜蛋黄醬。一睇餐牌，我地就想食招牌炸魚薯條，果然冇令我地失望，新鮮炸起的魚塊金黃香脆，魚肉相當嫩滑，炸粉不會很多，點埋芥末醬更為好吃，薯條香脆厚身，相當滋味。魷魚圈籃有6件，大大件，外皮香脆，粉漿不會過厚，裏面包著鮮味魷魚，爽口又彈牙。煙肉芝士薯條份量頗大，每條薯條都平均沾上煙肉同芝士，睇見都流哂口水，食落咸咸地，惹美可口，而且仲好飽肚。