Ramen Taifu

同男友喺荃灣搵食，搵到呢間食評都幾多就諗住試試。大概等左15分鐘就可以入去。但係我哋被安排坐嘅唔係吧枱位， 而係被安排坐左去再入啲近廚房門口嗰個位，未坐低已經聞到有一陣怪味，好似洗咗條毛巾好耐都唔乾個陣up味，比較難聞。當時食慾已經大減至七成，想調位，但已經落左單。

麵來到，材料豐富，但係所有味道都唔係幾夾，全部味分開左，湯有湯味，面身較粗，但唔入味，冇味道。辣芽菜都無味。只有蛋好食。同埋佢份量係足夠嘅，唔使加面底都夠食。

因為環境真係唔太好，而且不斷聞怪味嘅時候，成個麵嘅味道唔知係唔係因為咁而有影響，所以唔係覺得個麵太好食，因為我男朋友嗰個位係正正望住入去廚房洗野嘅位置，所以真係會影響食慾，嗰兩個位真係出事位，真係建議唔好再安排比客人坐嗰兩個位，一係就搵一啲屏風遮住佢。