Read full review
2015-09-11
2609 views
香港最大特色風景莫過於由一座一座高樓大廈拼出嚟嘅石屎森林夜景。人多車多嘅國際都會，就連寄比外國朋友嘅明信片都係只有得維港兩旁景色嘅「東方之珠」揀嘅時候，小妹都覺得有d視覺疲勞啊～！非常感謝友人特意為小妹介紹一間充滿詩意嘅歐式花園café, 製作食物嘅理念以健康為主。可以逃離煩囂之餘仲可以感受到健康又擺設精緻嘅食物，感覺清新又健康。Café Eos Club 以古典感覺為主，店四周除左以歐式傢俱擺設之外，仲以真花作為設計一部份。一開始小妹不以為意擺設佈景用以真花設計，但坐低一陣之後花香淡淡滲出，令小妹非常驚喜呢！打理真花係一樣非常秏時嘅工作，店裡頭的嬸嬸們太有心機～當晚小妹同友人order左兩個晚餐，分別係南瓜海鮮燴飯同香煎龍脷柳配煙鴨胸，再搭上餐湯配以一片法式多士。玉米湯&淡香蒜味牛油多士玉米湯偏稀身玉米不太多，配上淡香蒜味牛油多士，整體味道算是不過不失。南瓜海鮮燴飯外表非常特出精緻，大蝦、青口、蜆同沙律菜精心分佈喺南瓜上面，由上面下有種花盛開嘅視覺效果。整個南瓜亦剛好填滿碟嘅空間，非常有美感。芝士即使放置左一陣都仍然做到拉絲效果，海鮮有咸鮮味，但燴飯是食唔到一般正宗意大利飯飯粒中間嘅
非常感謝友人特意為小妹介紹一間充滿詩意嘅歐式花園café, 製作食物嘅理念以健康為主。可以逃離煩囂之餘仲可以感受到健康又擺設精緻嘅食物，感覺清新又健康。
Café Eos Club 以古典感覺為主，店四周除左以歐式傢俱擺設之外，仲以真花作為設計一部份。一開始小妹不以為意擺設佈景用以真花設計，但坐低一陣之後花香淡淡滲出，令小妹非常驚喜呢！打理真花係一樣非常秏時嘅工作，店裡頭的嬸嬸們太有心機～
當晚小妹同友人order左兩個晚餐，分別係南瓜海鮮燴飯同香煎龍脷柳配煙鴨胸，再搭上餐湯配以一片法式多士。
玉米湯&淡香蒜味牛油多士
玉米湯偏稀身玉米不太多，配上淡香蒜味牛油多士，整體味道算是不過不失。
南瓜海鮮燴飯
外表非常特出精緻，大蝦、青口、蜆同沙律菜精心分佈喺南瓜上面，由上面下有種花盛開嘅視覺效果。整個南瓜亦剛好填滿碟嘅空間，非常有美感。芝士即使放置左一陣都仍然做到拉絲效果，海鮮有咸鮮味，但燴飯是食唔到一般正宗意大利飯飯粒中間嘅稍硬口感，整體味道稍偏淡，但燴飯係濕潤而且有南瓜香。
香煎龍脷柳配煙鴨胸係一個食物嘅藝術。兩大條煎得剛好嘅龍脷柳交叉放置喺厚薯塊上面，友人幫忙分食物嘅時候龍脷柳非常容易就斷開了。。。肉嫩如此，廚師可以原條煎起上碟，非常有功架。味道正常的。偶然會嚐到輕微嘅檸檬酸，為單一嘅魚味加多上一層次。
維也納咖啡經詢問後，嬸嬸推介最特色嘅飲品餐飲係維也納咖啡。其實就係普通嘅奶咖啡上蓋上一座甜甜的小鮮奶油～係好睇的：）
整體嚟講食物都幾好，食開偏濃口味嘅朋友可能要額外加少少鹽，食開口味較淡嘅朋友會更喜歡。價位方面小妹覺得ok，$200內食環境同食物擺設，性價比得分唔低。而且剛好小妹同友人坐向露台位置，感覺舒適。
Other Info. :
Nice and Nice Talking Place~
(The above review is the personal opinion of a user which does not represent OpenRice's point of view.)
Post
